2026 წლის 5–6 ივნისს, ბათუმის ნავიგაციის უნივერსიტეტში გაიმართა საქართველოს კერძო კოლეჯების ასოციაციის კოლეგიალური ვიზიტი.

 ვიზიტის ფარგლებში განხილულ იქნა პროფესიული განათლებისთვის მნიშვნელოვანი თემები: პროფესიული ორიენტაცია, ადმინისტრაციული წარმოებების ანალიზი, დისტანციური და ჰიბრიდული სწავლების პრაქტიკა, არსებული რეგულაციები, გამოწვევები და განვითარების პერსპექტივები.

 შეხვედრა მოიცავდა როგორც მასპინძელი კოლეჯის გამოცდილების გაზიარებას, ისე აქტიურ პროფესიულ დისკუსიებს მონაწილე კოლეჯების წარმომადგენლებს შორის.

 განსაკუთრებული ყურადღება დაეთმო ხარისხის უზრუნველყოფის საკითხებს, ავტორიზაციის პროცესთან დაკავშირებული მიგნებების განხილვასა და ეფექტური პრაქტიკების გაზიარებას. აღნიშნულ საკითხზე მომხსენებელი გახლდათ ჩვენი ხარისხის უზრუნველყოფის მენეჯერი, თინათინ ჭუმბაძე.

 კოლეგიალური ვიზიტები ყოველთვის კარგი შესაძლებლობაა პროფესიული საგანმანათლებლო დაწესებულებების თანამშრომლობის გაღრმავების, გამოცდილების გაზიარებისა და პროფესიული განათლების სექტორის განვითარების ხელშეწყობისთვის.

 მადლობას ვუხდით საქართველოს კერძო კოლეჯების ასოციაციასა და ბათუმის ნავიგაციის უნივერსიტეტს მასპინძლობისა და ნაყოფიერი თანამშრომლობისთვის.

 ერთად ვქმნით პროფესიული განათლების განვითარების უკეთეს მომავალს!