კოლეგიალური ვიზიტი ზუგდიდში
10–11 ოქტომბერს საქართველოს კერძო კოლეჯების ასოციაციის ორგანიზებით ქ. ზუგდიდში ჩატარდა კოლეგიალური ვიზიტი თემაზე – „ადამიანური რესურსების მართვა და განვითარება“, რომლის მასპინძლებიც იყვნენ საზოგადოებრივი კოლეჯი „ზუგდიდის აკადემია“ და კოლეჯი „ცხუმ-ეგრისი“.
ღონისძიებაში ,,კოლეჯი მესამე სამედიცინო”-დან მონაწილეობა მიიღეს ხარისხის უზრუნველყოფის მენეჯერმა და საქმისწარმოებისა და ადამიანური რესურსების მართვის მენეჯერმა.
ორდღიანი შეხვედრა დაყოფილი იყო სხვადასხვა სესიებად, რომელთა ფარგლებში განხილულ იქნა ორგანიზაციული სტრუქტურის მართვა, პერსონალის განვითარების პოლიტიკა და პროფესიული ზრდის თანამედროვე მიდგომები.
ჩვენი დაწესებულების წარმომადგენლების მხრიდან, კოლეგებთან ერთად გაზიარებული იქნა ყველა მნიშვნელოვანი საკითხი და არსებული პრაქტიკა.
ღონისძიების ფარგლებში შემუშავდა რეკომენდაციები ასოციაციის წევრი კოლეჯებისათვის, ასევე დაიგეგმა ინსტიტუციური მდგრადობის უზრუნველყოფის ღონისძიებები.
მსგავსი ხასიათის შეხვედრები მნიშვნელოვანია როგორც კონკრეტულად ჩვენი დაწესებულების, აგრეთვე სკკა-ს ფარგლებში თითოეული წევრის განვითარებისა და მდგრადობის შენარჩუნებისათვის, თანამშრომლობისა და გამოცდილების გაზიარება კი პროფესიული განათლების სისტემის განვითარების საწინდარია.
მადლობას ვუხდით ორგანიზატორებს, მასპინძლებსა და ყველა მონაწილე კოლეჯს მეტად საინტერესო და ნაყოფიერი შეხვედრისათვის!
