შეფასების მიზანი იყო:

პროგრამის ეფექტიანობის შეფასება

სასწავლო პროცესის შუალედური მონიტორინგი

სტუდენტების აკადემიური წინსვლისა და საჭიროებების გამოვლენა

რაც ხელს შეუწყობს შემდგომი სწავლის უფრო ეფექტურად დაგეგმვას.

შეფასების ფარგლებში სტუდენტებმა იმუშავეს სიტუაციურ ამოცანებზე, რომელთა მეშვეობით მათ ჰქონდათ შესაძლებლობა:

როლების გადანაწილებით ემუშავათ გუნდურად

პრაქტიკულად გამოევლინათ პროფესიული უნარები

პირველი სასწავლო წლის განმავლობაში მიღებული თეორიული ცოდნა პრაქტიკაში გადმოეტანათ.

შეფასება განხორციელდა შუალედური შეფასების კომისიის მიერ, რომელიც დაკომპლექტებული იყო დარგის სპეციალისტებისგან, რომელთაც უშუალო შეხება არ ჰქონიათ აღნიშნული მიღების სტუდენტებთან მოდულის განხორციელების პროცესში.

კომისიის შეფასებით, პროცესი დადებითად წარიმართა, ხოლო სტუდენტებმა სრულად წარმოაჩინეს ის კომპეტენციები, რაც უნდა გამოევლინათ განვლილი მოდულების საფუძველზე.

შუალედური შეფასება განხორციელდა გამჭვირვალე და ობიექტური პრინციპების დაცვით, რაც მნიშვნელოვანი წვლილია ხარისხიანი პროფესიული განათლების უზრუნველყოფაში.