7 მარტს, საქართველოს კერძო კოლეჯების ასოციაციის ორგანიზებით გაიმართა კორპორატიული საღამო „პროფესიონალთა ტრიუმფი“, რომელსაც ასოციაციის წევრი კოლეჯები ესწრებოდნენ. მათ შორის იყო კოლეჯი „მესამე სამედიცინო“, რომელიც ღონისძიებას თავისი ერთგული და მაღალკვალიფიციური გუნდით შეუერთდა.

საექთნო განათლებაში შეტანილი განსაკუთრებული წვლილისთვის დაჯილდოვდნენ კოლეჯების საექთნო მიმართულების პროგრამის ხელმძღვანელები, რაც კიდევ ერთხელ უსვამს ხაზს ამ სფეროს მნიშვნელოვან როლს პროფესიულ განათლებაში

გარდა ამისა, ღონისძიებაზე გაჟღერდა ახალი ინიციატივა – ჯანდაცვისა და სოციალური მომსახურეობის დარგობრივი უნარების ორგანიზაციის დაფუძნება. ამ მიმართულებით საქართველოს კერძო კოლეჯების ასოციაცია, საქართველოს კარიტასი, საქართველოს წითელი ჯვარი და ექთანთა ასოციაცია ინტენსიურად აწარმოებდნენ მოლაპარაკებებს. საბოლოოდ, დამფუძნებელი ორგანიზაციების უფლებამოსილმა წარმომადგენლებმა და მათ შორის კერძო კოლეჯებიდან, საჯაროდ მოაწერეს ხელი დარგობრივი უნარების ორგანიზაციის დაფუძნების გადაწყვეტილებას, რაც პროფესიული განათლების სფეროში თანამშრომლობის გაძლიერებას და სისტემურ განვითარებას შეუწყობს ხელს.

#მესამესამედიცინო #პროფესიულიგანათლება #ერთიანობისძალა